Jæja.. smá stelpuflipp í gangi hérna
Ég skal lofa að hafa ekki þennan bleika lit mjög lengi. Ég er næstum því að fá nóg af honum sjálf sko

Nú, það er geggjað í Óperukórnum. Nú eru einungis 5 dagar til stefnu og er um að gera að taka höndum saman og gera þetta almennilega. Krakkarnir eru allir rosalega skemmtilegir. Þetta er frábær hópur og mjög gaman að taka þátt í þessu. Ég er í öllum kóratriðunum, svo er ég grísetta, ein af sætu stelpunum hans Péturs.hehe.. já og svo er ég brúðarmeyja.

Nú, helgin fór í æfingar í IÐNÓ, afslöppun, Þingvallaferð sem endaði með renniferð beint á rassinn í fljúgandi hálku fyrir framan bústaðinn. Það var niðamyrrkur, en mér tókst að gera þetta fyrir framan pínulítinn hluta af fjölskyldunni minni Þið vitið hver þið eruð. Og já ég veit.. þið mynduð vilja eiga þetta á myndbandi.. Og já ég veit.. þetta var fyndið ... hehe. En þetta var samt frábært ferð. Æðislegur matur!!!! Takk fyrir mig!!! Horfðum á undankeppni eurovision, Spaugstofuna og myndina með Matthew Perry..Kom mér á óvart hvað hún var góð. Hafði einhvernveginn ekki séð "Chandler" fyrir mér í svona alvarlegri og góðri mynd.
Kristín og Ingólfur voru í miklu fjöri þangað til að þau sofnuðu. Þau eru bara krútt... Ingólfur er farinn að babbla svo mikið að það er æði.

Já og svo eru nýjustu fréttir af íbúðarmálum að ég fæ afhent á fimmtudag, ætla að mála á föstudag og helst að flytja á laugardag og sunnudag Hver vill vera memm? hehe.. Mikið að gerast hjá minni sko. Mikil tilhlökkun í kringum þetta allt saman.
Nú, hef nú ekki gert mikið meira markvert síðustu daga. Held að ég segi þetta gott í bili. Og ég lofa með næsta bloggi kemur nýtt þema..
Sendi extra góðar kveðjur til USA... Magga og Erla.. þið takið þetta til ykkar. miss you girls.. Skemmtið ykkur nú extra vel saman þarna úti.. Já og Ólöf.. er ekki farið að vera kominn tími á bíóferð? hehe

Nóg í bili.. Eigið góða vinnuviku.
Bjögga beib..

Halló halló.
Nóg að gera. ætlaði rétt að óska afmælisbörnum dagsins til hamingju með daginn. Afmælisbörn dagsins eru frændsistkynin Óskar Pétursson og Kristín Anítudóttir. Til hamingju með daginn bæði tvö.

Óperudeildin er á fullu.. það er bara gaman.. frumsýning eftir viku. kem með sýningarnar hérna inn þegar þær eru alveg komnar á hreint.
ÁFRAM ÍSLAND!!!!
Við tökum Slóvana á morgun.
Afmæliskveðjur. Bjögga

Jæja, held að það sé alveg kominn tími á smá færslu hjá manni. það er allavega slatti búið að gerast síðan síðast. Það er bara spurning hvar á að byrja...

Já, ég er byrjuð í Óperudeildinni í skólanum, og vá hvað það er mikil snilld. Þetta er svo rosalega gaman að það er bara snilld. Ég er ekkert með neitt svakalegt hlutverk, en ég er samt í kórnum, svo er ég brúðarmeyja, grísetta og ein af stelpunum hans Péturs Við erum soldi ðmikið að dansa í þessu og ég vaknaði um daginn bara með þvílíka harðsperrur. Hvað er það..?? Kannski bara ágætt. Alltaf gott að fá harðsperrur.. ekki satt?? Annars verða sýningar fyrstu tvær helgarnar í febrúar. Auglýsi það nánar síðar

En yfir í eitthað allt annað. Ég er komin með vinnu þar sem ég byrja í lok janúar. Þetta er leikskóla sem er að byrja frá grunni. Hann er ekki einu sinni tilbúinn. Hann heitir Norðlingaholt og er í Árbæ. Mér líst rosalega vel á hann og leikskólastýruna. Það á víst að nota mann í eitthvað sniðugt, söng og eitthvað fleira sniðugt. Hlakka mikið til að byrja þar.

Ég fór að dansa línudans síðasta þriðjudag með Svanhild, og ég held bara svei mér þá að maður reyni að vera duglegur að mæta í Línudans svona þegar maður er ekki að fara á tónleika í söngskólanum. Já eða syngja sjálfur.. hehe..

Nú, mig langar að benda á að það eru komnar myndir í myndaalbúmið hér á síðunni frá frænkudjamminu ógurlega sem var þann 29. desember. Mjög eftirminnilegt kvöld. Reyndar ekkert "Let me sleep on it" dæmi.. en nýjar minningar.. Kampavín, bíltúr og flipp á Reykjanesbrautinni, keila, pizza á Staðarbakkanum, verðlaunaafhendingar, heimsókn hjá Sólnýju þar sem litlu frændurnir fengu að sjá frænkur sínar í ofurhetjubúningum. Superman og Spiderman, aka Ólöf og Teddy, voru mjög vinsælir/ar Kvöldið endaði svo á Kaffi Grindavík, en það fína kaffihús á Helgi nokkur Einar, góðkunningi minn Frábært kvöld. Nefndin fær alveg fimm stjörnur af fimm mögulegum

Jæja, best að hafa þetta ekki lengra í bili, þarf víst að fara að halla mér. Verð í skólanum á morgun frá 10-17:30. Finna búninga.. jejj.. það verður stuð..
Já og eitt að lokum...

ÁFRAM ÍSLAND!!!!!!! Kraftaverk gerast!!!!!!!
Strákarnir okkar tóku Frakkana í nefið í dag. Vá það var fallegt. Sá reyndar ekki leikinn, ætla að horfa á morgun
Lifið í lukku en ekki í krukku.
Bestu kveðjur, Bjögga Grísetta .

Gleðilegt nýtt ár!!!

Komiði sæl og blessuð.

Þá er komið að tilraun tvö að gera nýársblogg. Ég var búin að gera heiðarlega tilraun hérna rétt eftir áramót, en viti menn, það eyðilagðist þegar ég gerði heiðarlega tilraun til þess að segja mynd inn í bloggið. Hmmm.. Ég virðist ekki kunna að setja mynd í bloggið mitt. Virðist allavega ekki ganga. En allavega. Ætlaði ekki að gera það að aðal málinu í þessu bloggi.

Annars langar mig að fara yfir árið 2006 svona rétt aðeins...

Janúar: Hmmm.. ég fangaði nýju ári.. man eiginlega ekki mikið  Fór að sjá Töfraflautuna sem var sett upp hjá Óperudeild Söngskólans. Var í skólanum. Og já naut þess að vera til.

Febrúar: Það hefur verið svo mikið að gera hjá mér í Febrúar að ég hef ekkert bloggað um það.. hehe..man semsagt ekkert hvað ég gerði sérstakt í febrúar. Held reyndar að Motzart tónleikarnir hjá Kammerkórnum hafi verið í febrúar. Þannig að það var mikið æft í kringum þá tónleika man ég.

Mars: Árshátíð Söngskólans var haldin. Það gekk mjög vel og var alveg einstaklega skemmtilegt. Við í NFSR vorum búin að vinna fram á nótt að undirbúa árshátíðina sem að fór á hinn besta veg. Æðislegt kvöld. Fór til USA í fyrsta skipti í heimsókn til Erlu og Ólafar. Það var algjör snilldarferð. Hægt að lesa næstum allt um hana í blogum sem ég bloggaði í mars. En í einni setningu, þá fór ég í mollið, outletmollið, datt í það að amerískum sið, söng í karókí, borðaði góðan mat, fór í spænskutíma og mannfræðitíma..(snilld btw), tók myndir af gulum skólabílum og háhýsum, hélt upp á afmælið mitt og skemmti mér konunglega

Apríl: Þórdís var fermd, mikill undirbúningur í kringum það. Hún tekin í fullorðinna manna tölu. Veislan gekk mjög vel og eksmmtilegur dagur. Svo voru auðvitað Páskar í apríl, sem þýðir bara frí og súkkulaði Alltaf gaman á páskunum Hlakka til páskanna í ár..

Maí: Vorið kom.. Besta vor í manna minnum... Jejj... Grillkvöld Söngskólans var haldið. Ég tók 5. stigs prófið í Söngskólanum og náði því með prýði. Tók 6. stig í hljómfræði.. Allt á réttri leið á þessarri braut. Í maí fór Kammerkórinn í Óvissuferð. Vá!! Algjör snilld. Ferð sem að skyldi eftir sig mikið af minningum. Þar var farið í ratleik á Þingvöllum, grillað í bústaðnum hans Helga og endað í Steggjapartýi hjá Gumma. Snilld. Já og Silvía Nótt keppti víst fyrir okkar hönd í Eurovision og það var púað á hana þegar hún kom á sviðið. Mikil upplifun að fylgjast með henni. Í maí voru líka vortónleikar Kammerkórsins, en þeir heppnuðust mjög vel og mikil stemmning í kringum þá.
Svo fór ég á tónleika með Garðari Thor Cortes í laugardalshöllinni og það var rosalega mikil snilld. Eftirminnilegt kvöld.  

Júní: Óvissuferð Múlaborgar stendur þar hæst. Snilldardagur. Fórum í tveggja hæða strætó, lærðum magadans og fórum út að borða. Mjög skemmtilegur dagur. Fór á bryggjuball í grindó með Pöpunum. Geðveikt gaman, Sjóarinn síkáti í grindó. Snilld. Það er náttúrulega alltaf allt skemmtilegt sem er í grindavík .. Hélt upp á 17. júní með stæl. Fór á Litlu hryllingsbúðina, Góður mánuður.

Þetta er orðið svo langt að ég ætla að gera hlé á máli mínu eins og málin standa. Held áfram með næstu mánuði næstu daga, þarf víst að fara að halla mér. Óperudeildin í fyrramálið Jejj..
Já og ef ég er að gleyma einhverju þá minnið þið mig á það  

Hafið það rosalega gott þangað til næst.. Og bestu kveðjur til USA og Ítalíu.. þar sem Ólöf og Maggi eru á skíðum já og til Hollywood, til Möggu. Miss ya girl.

Bestu kveðjur, Bjögga